18 лютага ў рамках Тыдня роднай мовы ў гр.93 адбыўся лінгвістычны конкурс "З дзеяслоўным кіраваннем на ты!" Мэта конкурсу -сістэматызацыя ведаў навучэнцаў па тэме  "Дзеяслоўнае кіраванне ". Навучэнцам было прапанавана перакласці словазлучэнні з рускай мовы , выправіць памылкі, звязаныя з дзеяслоўным кіраваннем, у сказах і словазлучэннях. Пасля конкурсу навучэнцы падзяліліся сваімі ўражаннямі :

- Дзеяслоўнае кіраванне вельмі важна ведаць пры перакладзе тэкстаў з рускай мовы. Мы можам добра ведаць лексіку беларускай мовы, але ў перакладзе дапусціць памылкі, таму што пасля некаторых дзеясловаў у рускай мове ўжываецца адзін склон, а ў беларускай мове ўжываецца зусім іншы склон -  адказвае Сукора Максім.

Найлепш справіліся з прапанаванымі заданнямі лінгвістычнага конкурсу наступныя навучэнцы :Пікта Багдан ,Каранеўскі Даніла ,Сафараў Цімур ,Мілаш Уладзіслаў .