27 лютага ў iнтэрнаце каледжа прайшла квэст-гульня "Смак беларускай мовы". Навучэнцы былі раздзеленыя на тры каманды, дзе выбралі свайго капітана і прыдумалі назву. Удзельнікі адказвалі на пытанні, перакладалі словы, называлі знакамітых дзеячаў літаратуры, складалі прыказкі, знаходзілі памылкі ў сказах, расшыфроўвалі словы. Такая гульня дае магчымасць усім прысутным праверыць свае веды не толькі ў вобласці беларускай мовы, але і даведацца шмат новага. Напрыканцы навучэнцы запісалі самыя яскравыя беларускія словы на лісціках і прымацаваліі на "Дрэва прыгожых слоў". Усе атрымалі сапраўднае задавальненне.