20 лютага прайшоў лінгвістычны турнір "Смак роднага слова", які сабраў навучэнцаў у ліцэі ў суботні дзень. Каманды "Кемлівыя" і "Знаходлівыя" спаборнічалі ў веданні беларускай лексікі, вымаўленні скорагаворак, адгадванне загадак. Спатрэбіліся і веды па гісторыі, геаграфіі, этнаграфіі. Конкурс "Паскорагаворым" выйграла каманда "Знаходлівыя", конкурс "Падумай - адгадай" - каманда "Кемлівыя". А ў выніку атрымалася, што "Кемлівыя" перамаглі з лікам 27:26,5. Такім чынам, можна лічыць сілы каманд амаль роўнымі. А самае галоўнае, што суботні дзень аб'яднаў сяброў, прынёс добры настрой і дабавіў у скарбонку ведаў  сакавітыя беларускія словы.